மயக்கம் என்ன - திரை விமர்சனம்

தனுஷ் மற்றும் ரிச்சா கங்கோபாத்யாய் நடித்து வெளியாகியுள்ள படம் "மயக்கம் என்ன" . இதன் கதையை எழுதி, இயக்கியுள்ளார் செல்வராகவன். ஓம் ப்ரொடக்ஷன்ஸ் சார்பாக இந்த படத்தை ஜெமினி பிலிம் சர்க்யூட் நரயுவனம் வெளியிட்டுள்ளது.

தனுஷ் (கார்த்திக் சுவாமிநாதன்) என்ற பாத்திரத்தில் நடித்துள்ளார். இதில் ஒரு போடோக்ராபிராக தோன்றியுள்ளார் (Wild Life Photographer). இவருக்கு பெற்றோர்கள் யாரும் இல்லை. அதனால், இவரும் , இவரது தங்கையும் சேர்ந்து, நான்கு நண்பர்களுடன்(இரண்டு ஆண் நண்பர்கள், இரண்டு பெண் நண்பர்கள்) சேர்ந்து வாழ்ந்து வருகிறார்கள்.

இந்த நான்கு நண்பர்களில் சுந்தர் என்ற பெயரில் இவன் உள்ளான். அவன் தனது அலுவலகத்தில் பணிபுரியும் ஒரு பெண்ணை (கதாநாயகி ரிச்சா) காதலித்து வருகிறான். ரிச்சாவுக்கு தனுஷ் மீது காதல் உள்ளது. நண்பர்களுக்காக அவளை வேண்டாம் ஒதுக்கினாலும், தனுஷுக்கு ரிச்சாவின் மீது உள்ளுக்குள் காதல் உள்ளது.

தனுஷ் அவள் மீது வைத்திருக்கும் காதல் எல்லோருக்கும் தெரிய வருவதன் மூலம், இவர்கள் இருவருக்கும் திருமணம் நடத்தி வைக்கிறார்கள். இப்படியாக இவர்கள் வாழ்கை சென்றுக் கொண்டிருக்க, தனுஷிற்கு ஒரு விபத்து நடக்கிறது. அந்த பிரச்சனை ஏற்படுகிறது. அந்த பிரச்சனை மற்றும் விபத்திலிருந்து மீண்டு வருகிறாரா இல்லையா? மீண்டு வந்து, தனது மனைவியின் உதவியின் மூலம் எப்படி ஒரு மிகப்பெரிய Wild Life Photographer ஆகிறார் என்பதே மீதி கதை.

தனுஷ் நன்றாக நடித்துள்ளார். ரிச்சாவைப் பார்த்து அவர் "போடி முண்டகலப்பை" என்று கூறும்போது கைதட்டல்கள் ஏராளம். மனநலம் சரியில்லாத கட்டத்தில் தான் செய்த தவறுகளை கூறி புலம்பும் போது அசத்துகிறார். ரிச்சா கங்கோபாத்யாய இந்தப்படத்தில் நடிப்பில் அசத்தியுள்ளார். தனுஷை கட்டுப்படுத்த முடியாமல் தவிக்கும் காட்சிகளில் நன்றாக நடித்துள்ளார்.

பிற நண்பர்களாக வருபவர்களின் நடிப்பு ஒ.கே. பாடல் காட்சிகளின் ஒளிப்பதிவு நன்றாக உள்ளது. ஜி.வி.பிரகாஷ் குமாரின் இசை மற்றும் பின்னணி இசை இரண்டுமே பாராட்டிற்குரியது.

ஒரு சிறிய மாற்றம். இப்போது வரும் படங்களில் அவரது சிலுமிஷங்கள் கட்டுக்குள் உள்ளது.
இது ஒரு மனநலம் பாதிப்புக்கு உள்ளானவர் பற்றி சொல்லும் படம். படம் கொஞ்சம் பொறுமையாக செல்கிறது. பார்க்கும் பொறுமை உள்ளவர்களுக்கு நல்ல படம்.

மொத்தத்தில், சமீபத்தில் வெளியாகியுள்ள படங்களில், "மயக்கம் என்ன", நன்றாக உள்ளது.